Shtyhet zhvarrimi i Denis Ruçit në Greqi, babai vazhdon grevën e urisë

Një zhvillim i ri ka ndodhur në çështjen e zhvarrimit të Denis Ruçit, djalit të Panos Rucit, viktimës së tragjedisë së Tempit në Greqi.

Avokatja e familjes, Zoe Konstantopoulou, paraqiti kërkesë zyrtare për shtyrjen e procesit të zhvarrimit, i cili ishte planifikuar të kryhej këtë të premte nga mjeku ligjor. Kërkesa synonte emërimin e një konsulenti teknik për të asistuar në hetim.

Prokuroria pranoi kërkesën dhe vendosi që zhvarrimi të zhvillohet javën e ardhshme.

Ndërkohë, Panos Ruci ndodhet në ditën e 17-të të grevës së urisë, duke kërkuar kryerjen e analizave toksikologjike të plota mbi trupin e djalit të tij për të sqaruar shkaqet e vdekjes.

Sipas njoftimeve të EKAB, ekipet e shpëtimit monitorojnë gjendjen e tij shëndetësore në intervale të rregullta dhe theksojnë nevojën për kontrolle mjekësore, por ai ka refuzuar t’i nënshtrohet analizave, duke e vështirësuar monitorimin dhe gatishmërinë për transport të menjëhershëm në spital në rast nevoje.

Pas kthimit nga hoteli, Panos Ruçi përsëri refuzoi kujdesin mjekësor.

Djali i tij humbi jetën në tragjedinë hekurudhore, babai shqiptar kërkon zhvarosjen e trupit !

Pano Ruçi, babai i Denis Ruçit, 22-vjeçarit që humbi jetën në aksidentin tragjik hekurudhor në Tempi të Greqisë i cili javë më parë nisi edhe një grevë urie përpara parlamentit grek pic.twitter.com/BsoR8pSzrd

— Euronews Albania (@EuronewsAlbania) October 1, 2025

Kujtojmë që tragjedia e Tempit ndodhi më 28 shkurt 2023 në Greqi, kur dy trena përplasën për shkak të një gabimi teknik dhe njerëzor në një seksion hekurudhor të ngushtë.

Përplasja shkaktoi vdekjen e 57 personave dhe plagosjen e dhjetëra të tjerëve, duke qenë një nga aksidentet hekurudhore më të rënda në historinë e vendit.

Tragjedia tronditi opinionin publik dhe nxiti hetime të thella mbi sigurinë në infrastrukturën hekurudhore dhe menaxhimin e emergjencave.

LEXONI GJITHASHTU:

• Protesta në Greqi në mbështetje të babait shqiptar të viktimës së Tempe
• EMRI| I riu shqiptar mes të zhdukurve nga përplasja e trenave në Greqi