Shuhet në moshën 80-vjeçare ikona e popit francez, Françoise Hardy

Kantautorja, modelja dhe aktorja franceze Françoise Hardy ka vdekur në moshën 80-vjeçare.

Vdekja e saj u njoftua nga djali i saj dhe muzikanti Thomas Dutronc në rrjetet sociale.

Hardy zbuloi në qershor 2021 se ajo ishte diagnostikuar me kancer të laringut në 2018, pas një diagnoze të limfomës në 2004.

Ajo pati hitin e saj të parë muzikor me ‘Tous les Garçons et les Filles’ në vitin 1962, kur ajo ishte vetëm 18 vjeç. Balada shiti më shumë se 2.5 milionë kopje dhe kryesoi listat franceze. Këngë të tjera si ‘Je Suis D’Accord’ dhe ‘Le Temps de L’Amour’ ishin gjithashtu hite masive.

Hardy këndoi në anglisht, gjermanisht dhe italisht. Hiti i saj më i madh në gjuhën angleze ishte kënga e saj e vitit 1968 “It Hurts to Say Goodbye” shkruar nga Serge Gainsbourg.

Hardy regjistroi afro tridhjetë albume në karrierën e saj dhe ishte e vetmja artiste franceze që u shfaq në renditjen e 200 këngëtarëve më të mëdhenj të të gjitha kohërave të botuar nga revista Rolling Stone në vitin 2023.

LEXO GJITHASHTU:

• Java kulturore italiane, këngëtarja e njohur ndez atmosferën në Tiranë
• Muzika e lartë e pub-it, anulohet mesha e Pashkës ortodokse në Shkodër