Si nisi konflikti në Velipojë që la pas katër viktima dhe dy të plagosur

Teksa ditët kalojnë të tjera detaje janë publikuar për ngjarjen e Velipojës, ku humbën jetën Kujtim Ferracaku, Xhovani Gocaj, Edmond Gocaj dhe Myzerim Zeneli dhe dy të tjerë mbetën të plagosur.

Në dosjen e prokurorisë, të siguruar nga Euronews Albania shpjegohet me detaje si ka nisur dhe përfunduar ngjarja, provat që janë gjetur në vendngjarje dhe dëshmitë e disa prej personave të arrestuar.

Konkretisht në dosje thuhet se njoftimi në sallën operative është dhënë fillimisht në orën 00:35 të datës 27 qershor, ndërsa sipas të dhënave ditën në fjalë disa orë më parë, Hasan dhe Kujtim Ferracaku janë konfliktuar me vëllezërit Gocaj lidhur me ndarjen e shezlongëve në plazh dhe në darkë janë takuar për t’u sqaruar.

Mes tyre është edhe dëshmia e të miturit Elmeid Dyli, 17-vjeçarit që mbeti i plagosur për të cilin gjykata caktoi në Spitalin e Traumës masën e sigurisë “arrest me burg”.

I mituri ka shpjeguar se ai punonte si kamarier tek lokali i gjyshit të tij, Kujtimit. Ai është shprehur se ka qenë duke pirë kafe me stafin e hotel “Fantazia” kur ka dëgjuar debate në hotelin tjetër.

Pasi është afruar 17-vjeçari ka parë palët e përshira në konflikt dhe nga përdorimi i armëve ka mbetur dhe ai i plagosur.

Për ngjarjen në kërkim janë ende tre djemtë e Hasan Verracakut: Astrit, Abedin dhe Shyqyri Verracaku. Sipas prokurorisë, në ngjarjen tragjike janë përdorur të paktën katër armë zjarri.

LEXONI GJITHASHTU:

• Katër armë zjarri janë përdorur në vrasjen e katërfishtë në Velipojë
• “Mos i ndodhtë askujt”, babai i vëllezërve të vrarë në Velipojë tregon se sherri nisi për shezlongët
• 4 të vrarë e 2 të plagosur pas një përplasje me armë në Velipojë