Sigurimet e banesave të shqiptarëve një vit pas tërmetit në 26 nëntor 2019

5894 banesa u dëmtuan rëndë nga tërmeti i 26 nëntorit, vitin që shkoi, ndërsa dhjetëra mijëra të tjera patën dëmtime të lehta por kjo nuk i ka nxitur shqiptarët që të sigurojnë banesat e tyre gjatë 2020-s.

Sipas Autoritetit të Mbikëqyrjes Financiare, në 9 mujorin e 2020-ës, numri i kontratave të sigurimit të dëmeve në pronë është pothuajse i njëjtë  me vitin e kaluar, me një rritje të pakonsiderueshme prej rreth 2%.

Në shumicën e rasteve, sigurimi i pronës bëhet vetëm në vlerën e kredisë bankare dhe jo për të gjithë vlerën e pronës. Numri i kontratave të sigurimit të pronës është rreth 35 mijë, që në pjesën më të madhe iu takojnë pronave të lëna si kolateral për kreditë bankare.