Situata e rëndë në RMV, zv.ministri i Shëndetësisë: Rriten numrat e të shtruarve në spitale

Maqedonia e Veriut po përballet me shtim të të infektuarve me Covid-19, ndërkaq kjo gjendje ka reflektuar një dyndje të frikshme të pacientëve drejt spitaleve. Rritja e numrave ka vënë në vështirësi edhe autoritetet shëndetësore, të cilat thonë se si rezultat i kësaj po përballen me mungesë të kapaciteteve  spitalore.

Zëvendësministri i Shëndetësisë së Maqedonisë së Veriut, Ilir Hasani, tha për Euroneës Albania tha se rritja e të shtruarve në spitale është shumë e lartë.

“Situata është vërtet mjaft e rëndë dhe kemi numra alarmantë. Një gjë që është specifike për RMV është se edhe numrat e të shtruarave janë rritur në mënyrë drastike”, tha ai.

Ai shtoi se mesatarja ditore e të shtruarve në spitaleve varion nga 20-25 persona.

“Kemi një mesatare në ditë nga 20-25 pacientë që mundohemi të sistemojmë vetën në kryeqytetin e Maqedonisë Veriut dhe po përpiqemi të gjejmë hapësira, shtretër, që t’i vendosim dhe t’i trajtojmë”, shtoi  ai.