Situata e rrugëve në Korçë, akset që kalohen me zinxhirë

Të gjitha akset rrugore janë të kalueshme në qarkun e Korçës. Gazetari i Euronews Albania, Xhensil Shkëmbi raporton se në disa akse rrugore nevojitet përdorimi i zinxhirëve për automjetet.

Në rrugët rurale, kalimi bëhet vetëm me zinxhirë dhe nuk raportohet për mungesë energjie apo fshatra të bllokuar.

Trashësia e dëborës në fshatin turistik të Dardhës ka shkuar deri në 40 cm, ndërsa në Voskopojë në 10 cm.

Reshje të dendura dëbore vijon të ketë në të gjithë qarkun, por në Vithkuq dhe Lekas janë me intensitet më të lartë, ku nuk mungojnë ngricat.

Akset rrugore:

• Qafë Thanë-Pogradec-Korçë e kalueshme pa zinxhirë, por goma dimërore.
• Korçë-Dardhë pjesërisht me zinxhirë, i hapur
• Korçë-Voskopojë pjesërisht me zinxhirë, i hapur.
• Korçë-Ersekë pjesërisht me zinxhirë në Qafë Qarri, i hapur.
• Korçë-Kapshticë i hapur.

LEXONI GJITHASHTU:

• Të gjitha akset rrugore të kalueshme, pavarësisht motit të keq