Situata epidemiologjike e COVID-19 në Kosovë raportohet e qëndrueshme

Shifrat e publikuar mbi epideminë në Kosovë konfirmojnë se situata aktualisht është nën kontroll.

Ministria e Shëndetësisë thotë se në orët e fundit nuk është raportuar asnjë humbje jete, ndërsa janë zbuluar katër raste të reja.

Prej ditësh numri i të shëruarave raportohet më i lartë se numri i infektimeve dhe kjo prirje është parë me optimizëm nga qytetarët dhe bizneset, të cilat synon të rikuperojnë “gropën” financiare që u shkaktua nga epidemia.

Listës totale të të shëruarve i janë shtuar pesë qytetarë, duke e çuar këtë shifër në 105,315, që nga fillimi i epidemisë.

Prej fillimit të vaksinimit në të gjitha qytetet e Kosovës janë kryer 160.410 doza  vaksinash.

Ministria e Shëndetësisë së Kosovës dhe konkretisht drejtuesi i këtij institucioni Arben Zemaj muaj më parë konfirmoi se Kosova ka firmosur një marrëveshje me “Pfizer” për 1 milion doza vaksinash anti-COVID, por deri tani nuk ka asnjë të dhënë shtesë se kur pritet të vijë ky kontigjent.