Situata kritike në Novoselë, mbërrijnë mjetet e ushtrisë

Mjetet e ushtrisë kanë mbërritur në Novoselë dhe janë vendosur në gatishmëri të plotë për të ndërhyrë në çdo situatë emergjente që mund të krijohet nga rritja e nivelit të lumit Vjosë.

Forcat e ushtrisë do të jenë në mbështetje të strukturave vendore dhe emergjencave civile, me qëllim garantimin e sigurisë së banorëve dhe ndërhyrjen e menjëhershme në rast përkeqësimi të situatës. Autoritetet vijojnë monitorimin nga afër, ndërsa u bëhet thirrje qytetarëve të tregojnë kujdes maksimal.

Niveli i ujit vijon të jetë shumë i lartë. Sipas informacioneve nga terreni, situata paraqitet kritike, ndërsa prurjet e shtuara të lumit rrisin rrezikun për zonat përreth.

Ndërkohë, vijon të mbetet kritike situata edhe në qytete të tjera të vendit për shkak të reshjeve të dendura të shiut. Më e goditura nga përmbytjet është Gjirokastra.

Shumë biznese dhe automjete janë shkatërruar. Disa familje janë evakuar dhe shumë shtëpi janë të rrethuara nga uji.