Situata në Pogracec, kryebashkiaku Xhakolli: Në Beragozhd është shembur një pjesë e rrugës

Kryetari i bashkisë Pogradec, Ilir Xhakolli ka dhënë detaje lidhur me situatën në terren për shkak të motit të keq. Xhakolli thekson se tre lumenj të cilët sollën problematika edhe në përmbytjet e mëparshme kanë sjellë sërish probleme.

Ai shtoi se në Beragozhd është shembur një pjesë e rrugës ku po punohet për hapjen e tij. Xhakolli theksoi se grupi i i emergjencave ka qene ne terren.

“Dëmet më të mëdha ka në dy lumenjtë, ai i qytetit ka probleme. Të tre lumenjtë kanë probleme siç kishte edhe në përmbytjen në herën e parë, në Rrëmenj, në Vërdoll dhe në lumin e qytetit.

Këtu ndodhemi Beragozhd ku siç e shikoni është shembur një pjesë e rrugës dhe kemi ardhur menjëherë për të hapur këtë aks rrugor që t’iu vijmë në ndihmë banorëve,” tha ai.