Situatë e qëndrushme në Kosovë, gjashtë të vdekur në 24 orët e fundit

Në Kosovë gjatë 24 orëve të fundit janë kryer 990 testime të dyshuara për Covid-19, ndërsa 264 prej tyre kanë rezultuar të prekur dhe gjashtë pacientë kanë humbur jetën.

Të dhënat bëhen publike nga Institutit Kombëtar i Shëndetit Publik, i cili thotë se rastet aktive me coronavirus vijojnë të jenë të larta. Që nga fillimi i pandemisë dhe deri sot numërohen 1262 të vdekur, shumica prej tyre me sëmundje të tjera shoqëruese.

“Numri total i rasteve pozitive është 49.169 raste nga 173.145 persona të dyshimtë në virusin SARS-CoV-2 dhe 1.262 raste të vdekjes. Gjatë 24 orëve të fundit, janë shëruar 205 pacientë derisa numri i përgjithshëm i të shëruarve deri më sot është gjithsej 36.773 raste, kurse numri i rasteve aktive është 11.134″, thuhet në njoftim.

Rastet pozitive:

Prishtinë 93 raste, Ferizaj 25 raste, Mitrovicë 16 raste, Fushë-Kosovë 14 raste, Podujevë 14 raste, Vushtrri 13 raste, Obiliq 11 raste, Pejë 8 raste, Gjakovë 7 raste, Gjilan 7 raste, Drenas 6 raste, Shtime 6 raste, Istog 5 raste, Kaçanik 5 raste, Lipjan 5 raste, Skenderaj 5 raste, Deçan 4 raste, Dragash 4 raste, Kamenicë 4 raste, Prizren 3 raste, Rahovec 3 raste, Viti 3 raste, Malishevë 2 raste dhe Zubin-Potok 1 rast.

Krahas të dhënave ditore mbi pandeminë, Ministria e Shëndetësisë fton qytetarët të tregojnë kujdes, të shmangin vendet me grumbullime masive dhe të mbajnë maskë për të frenuar përhapjen e Covid-19.