English

Skadon sot mandati i presidentit libanez, nuk ka pasardhës

KOMENTE

SHPERNDAJE
ARTIKULLIN

Text sizeAa Aa

Presidenti i Libanit në largim, Michel Aoun tha të shtunën se vendi mund të rrëshqasë në kaos kushtetues sepse pasardhësi i tij nuk është emëruar dhe kabineti tashmë po punon nën një mandat teknik.

- Advertisement -

Ai i tha Reuters se një lëvizje politike për të zgjidhur krizën kushtetuese ishte e mundur në orët e ardhshme, por tha se nuk kishte një vendim përfundimtar se çfarë mund të sjellë kjo.

Dhëndri i tij Jibran Basil, të cilin SHBA e vendosi në listën e sanksioneve në vitin 2020 për shkak të korrupsionit të dyshuar, ka ambicie presidenciale, sipas agjencisë britanike.

Basil mohoi akuzat për korrupsion dhe Aoun tha se sanksionet nuk janë pengesë që ky politikan të jetë kandidat për president.

“Pasi ai të zgjidhet president, sanksionet do të hiqen,” tha Aoun, pa dhënë detaje.

Michel Aoun duhet të largohet sot nga pallati presidencial, pas përfundimit të mandatit të tij gjashtëvjeçar, por përmes katër raundeve të seancave zgjedhore në parlament, asnjë kandidat nuk arriti të sigurojë shumicën e votave.

Pas zgjedhjeve të majit, parlamenti është më i ndarë se kurrë dhe blloqet politike nuk kanë arritur deri më tani një konsensus për një kandidat që do të pasonte Aoun.

Libani ka pasur një qeveri kalimtare të kryesuar nga Najib Mikati që nga maji dhe vendi po zhytet gjithnjë e më thellë në një krizë financiare.

Për shkak të trazirave ekonomike dhe politike, varfëria u rrit dhe sistemi financiar u paralizua.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×