“Skandalet e EULEX në Kosovë”, ish-gjyqtari pritet të dëshmojë në Parlament

Pas kërkesës së ish-kryetarit të Asamblesë së Gjyqtarëve të EULEX-it, Malcom Simmons, ligjvënësit kosovarë, të hënën e 12 korrikut kanë vendosur të dëgjojnë dëshminë e tij.

Ai pritet të raportojë për pretendimet e tij lidhur me ato që ai i cilëson si skandale të EULEX-it në Kosovë, përfshirë ndërhyrjet politike, manipulimin e provave e ndikimet në dëshmitarë.

“Unë pres që ta jap dëshminë time në Parlamentin e Kosovës më 12 korrik. Kam besim se pasi të dëshmoj, Parlamenti do të vendosë që të nisë një hetim të plotë publik”, ka thënë Simmons për RTK.

Dëshmia e tij pritet me interes edhe për shkak të procesit gjyqësor të nisur ndaj ish-komandantëve të UÇK në Hagë, por edhe në kuadër të bisedimeve mes Kosovës dhe Serbisë.

LEXONI GJITHASHTU:

• Presidentja Vjosa Osmani zgjat mandatin teknik të EULEX-it
• Rusët pas ‘Shtëpisë së Verdhë’, ish-ministri i Drejtësisë zbulon pse u lejua që EULEX të futej në Shqipëri