Skandali i korrupsionit në PE, Eva Kaili kërkon lirinë

Eva Kaili, ish-eurodeputetja greke e përfshirë në skandalin e korrupsionit në Katargate duhet të lirohet, por me kufizime, të paktën deri në fillimin e gjyqit.

Kjo është ajo që avokati i ish-zëvendëspresidentes së Parlamentit Evropian i kërkoi gjykatës belge, duke shtuar se një byrzylyk elektronik do të përdoret për të monitoruar lëvizjet e saj.

“Kemi kërkuar që zonja Kaili të vendoset në një regjim mbikëqyrjeje elektronik me byzylyk. Ajo merr pjesë aktive në hetim dhe kundërshton çdo akuzë  korrupsion nga ana e saj”, u shpreh avokati.

Kaili doli para një gjykate në Bruksel të enjten për një seancë dëgjimore për të përcaktuar nëse ajo do mbetet në burg apo jo, përpara se të fillojë  gjykimi.

Ajo akuzohet për korrupsion, pastrim parash dhe pjesëmarrje në një organizatë kriminale për të promovuar në Parlamentin Evropian interesat e vendeve të huaja si Katari.

Megjithatë, një tjetër avokat e Kailit, tha se ajo është është e pafajshme për këtë çështje dhe nuk është e korruptuar.

Avokati shtoi se Kaili, ndihet e tradhtuar nga partneri i saj, Francesco Giorgi, i cili gjithashtu është arrestuar në lidhje me skandalin.

LEXONI GJITHASHTU

• Skandali i korrupsionit në PE, rrëfehet Eva Kaili: Kam qenë në dijeni të çdo gjëje
• Pas Eva Kaili, edhe 4 euro-deputetë pezullohen nga postet
• Arrestimi i nënkryetares së PE, gazetari në Bruksel: Është lëkundur besimi tek BE