Skandali i pedofilisë, Princi Andrew tërhiqet nga të gjitha funksionet publike

Princi Andrew është tërhequr nga të gjitha funksionet e deritanishme publike pas skandalit të pedofilisë me mikun e tij, miliarderin Jeffrey Epstein, i cili u vetëvra pak kohë më parë më burg.

Oborri mbretëror britanik, përmes një lajmërimi për mediat bëri me dije se përfshirja e emrit të Princit me atë të financierit të ndjerë të New York, ka shkaktuar shqetësim të madh tek familja e tij e punës.

“Është bërë tashmë e qartë për mua ditët e fundit se rrethanat që e lidhën emrin tim me atë të Jeffrey Epstein kanë krijuar sheqetësim të madh për familjen time të punës dhe punën e vlefshme që kemi bërë në drejtim të shumë oganizatave të bamirësisë, të cilat i kam mbështetur me krenari”, shkroi princi Andrew, teksa shtoi se i kishte kërkuar mbretëreshës të tërhiqej nga detyrat e ardhshme publike, gjë që ajo e kishte pranuar.

59-vjeçari shprehu gjithashtu mbështetjen për akuzuesit e Epstein dhe u tregua i gatishëm të bashkëpunonte në hetimin policor, gjë për të cilën u kritikua rëndë, pasi nuk e kishte thënë gjatë një interviste televizive javën e shkuar.