Skena makabre nga Greqia, gazetari: Trupa të pajetë po nxirren me qese plastike
Jemi në vendin e tragjedisë në Tempe. Disa dhjetëra njerëz kanë vdekur dhe janë plagosur. Aktualisht zjarrfikësit dhe skuadrat e shpëtimit po përpiqen të gjejnë personat e bllokuar dhe trupat e njerëzve që ishin në bord.
Pak më parë ne pamë valixhe dhe objekte të vogla të nxirreshin nga vagonët e parë dhe të dytë, që u dëmtuan më shumë nga përplasja.
Ky është vendi ku gazetarëve u lejohet të qëndrojnë dhe nuk mund të shkojmë më tej. Dhe nga ana tjetër, nga hyrja tjetër për në vendngjarje, njerëzit mund të shohin një skenë makabër, pasi skuadrat e shpëtimit po nxjerrin qese plastike me trupat e pajetë të atyre që humbën jetën në këtë mënyrë tragjike.
Të plagosurit janë dërguar në Larisa, që ndodhet 45 minuta që këtej. 6 prej tyre janë në terapi intensive. Në Larisa, por edhe qytete të tjera janë organizuar fushata për dhurimin e gjakut, pasi është një nevojë për spitalet.
Ndërkohë, hotelet e qytetit kanë ofruar dhoma për pasagjerët që janë në gjendje të mirë, në dispozicion të të cilëve janë vendosur edhe 2 linja telefonike për të lajmëruar të afërmit.
Tre mjekë ligjorë kanë mbërritur nga Athina për nekropsinë, pasi disa njerëz janë djegur dhe është e pamundur të identifikohen. Kjo është arsyeja përse të afërmit duhet të japin kampione ADN-je për të identifikuar trupat e gjetur, raportoi gazetari i Euronews Apostolos Staikos.
LEXONI GJITHASHTU:
Meloni: Udhëheqësit evropianë duhet të forcojnë komponentin evropian të NATO-s
Pse vala vdekjeprurëse e të nxehtit në Evropë nuk është për shkak të një fenomeni natyror të motit
BE-ja shkurton afatin e pranimit të Ukrainës për shkak të rezistencës hungareze
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve