Skocia mposht Ukrainën, ‘të mëdhenjtë’ zbresin në tapetin e blertë

Ukraina ka pësuar humbjen e parë në Ligën e Kombeve, teksa është mposhtur me rezultatin 3-0 nga Skocia në një ndeshje të dominuar plotësisht nga këta të fundit.

Pjesa e parë u mbyll me shifra të bardha, ndërsa në të dytën vendësit shënuar 3 herë dukë regjistruar një tjetër triumf.

Mbrëmjen e së enjtes rikthehen në fushë të mëdhenjtë e futbollit evropian. Franca, Holandë dhe Belgjika do t’i rikthehen aventurës në këtë kompeticion.

Gjelat janë skuadra e cila ka zhgënjyer më së tepërmi deri më tani në kompeticion me dy humbje dhe renditet e fundit. Austria është kundërshtari i radhës, ndërsa synim mbetet fitorja. Ndërkohë grupi udhëhiqet nga Danimarka me 9 pikë.

Holanda do të provojë të ruajë formën e mirë, teksa ndeshet në transfertë me Poloninë. Kroacia dhe Danimarka vendosen sërish përballë njëra-tjetrës, ndërsa përballja e fundit mes tyre regjistroi një sukses për kroatët.

Uellsi i vendit të fundit do të synojë një rezultat pozitiv në Belgjikë edhe pse shanset janë të pakta.

Në mbrëmje zhvillohen dhe ndeshjet e grupeve në Ligën C dhe D.

LEXONI GJITHASHTU: 

• Duka: Të lejmë 2 kulla pa bërë, të bëjmë fusha futbolli në Tiranë
• Mbyllet merkatoja e futbollistëve, cilat janë ekipet me blerjet më të mira