Sociologu tregon shkaqet kryesore të divorceve

Sociologu Gëzim Tushi thotë se gjendja ekonomike, mungesa e një kohezioni social midis partnerëve dhe xhelozia, janë disa nga shkaqet kryesore të divorceve në Shqipëri.

Në një intervistë për “Euronews Albania”, Tushi u shpreh se numri më i lartë i divorceve është në zonat urbane.

Ndër të tjera,  ai theksoi se shoqëria shqiptare duhet të emancipojë edhe martesën, edhe divcorcin.

“Kur vjen puna te shkaqet, ne shqiptarët e kemi gjithmonë për të gjetur si faktor divorci atë ekonomik. Ka familje të varfra që kanë martesë të mirë, ashtu siç ka edhe të pasur që mund ta kenë martesën të destruktuar. Arsye të tjera që pëson divorci, është ajo mungesa e një lloj lidhjeje, kohezioni social që prodhohet midis çiftit. Një nga shkaqet është xhelozia.

Ne kemi nevojë të emancipojmë të dyja gjërat, edhe martesën, edhe divorcin. Të dyja kulturat i kemi me defekte. Në zonat urbane, niveli i divorceve është më i lartë, sepse struktura e familjes rurale shqiptare është akoma konservatore dhe etike. Ruajnë miqësitë dhe krushqitë. Në zonat metropolitane të Tiranës, niveli i dicoreve është padiskutim është më i lartë.

LEXONI GJITHASHTU

• Divorcet tek noteri, Sadushaj: Rastet me fëmijë i zgjidh gjykata
• Rrallë divorcet kryen në mënyrë qytetare, thotë avokatja