English

Solidaritet me vajzën e vrarë për hixhabin, 75 viktima nga protestat në Iran

KOMENTE

SHPERNDAJE
ARTIKULLIN

Text sizeAa Aa

Iranianët organizuan natën e 12-të radhazi të protestave të udhëhequra nga gratë, në solidaritet me Mahsa Amini e cila humbi jetën se kishte veshur keq hixhabin.

- Advertisement -

Protestat vijojnë, pavarësisht frikës se ndërprerja e internetit do të bëjë që forcat e sigurisë të intensifikojnë një goditje të përgjakshme.

“Edhe ata që rrinin në shtëpi u njohën me thirrjet “Vdekje diktatorit!” dhe “Vdekje republikës Islamike!”, tha grupi i të drejtave të njeriut me bazë në Oslo.

Që nga 16 shtatori Amnesty Internacional konfirmon dhjetëra vdekje dhe qindra të plagosur në Iran.

“Dëshmitë që kemi mbledhur tregojnë se forcat e sigurisë po gjuajnë me fishekë metalikë kundër protestuesve dhe kalimtarëve. Qindra gra, fëmijë dhe burra janë plagosur dhe ne kemi parë fotografi të tmerrshme të protestuesve me plagë në kokë, gjoks dhe stomak. Forcat e sigurisë po qëllojnë nga një distancë e afërt dhe kjo tregon qëllimin për të shkaktuar dëme”, u shpreh Raha Bahreini, Hulumtuese e Amnesty International në Iran.

Dhjetëra njerëz, kryesisht gra, u mblodhën para ambasadës iraniane në Buenos Aires në mbështetje të grave në Teheran. Demonstruesit mbanin pankarta që përshkruanin qeverinë iraniane si një “diktaturë fetare” dhe thërrisnin për “drejtësi” pas vdekjes së 24-vjeçares.

Aktivistët presin flokët dhe thërrasin slogane jashtë ndërtesës së Neë York Times në Neë York për të protestuar mbi vdekjen e Mahsa Amini e cila ishte burgosur nga policia e moralit. Më shumë se 75 njerëz raportohet se janë vrarë gjatë përplasjeve me autoritetet e Iranit.

 

LEXONI GJITHASHTU:

 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Vetëvendosje del forcë e parë në Kosovë, por nuk siguron shumicën! A mendoni se Kurti do ta formojë dot qeverinë e re?