Sot luhet ndeshja Shqipëri-Hungari për eliminatoret e Kupës së Botës

Shqipëria luan sonte sfidën ndaj Hungarisë në transfertë e vlefshme për eliminatoret e Kupës së Botës.

Ndeshja është e programuar të luhet në orën 20:45 në stadiumin “Puskas Arena”.

Ndërkohë edhe Kombëtarja e Kosovës luan sonte kundër Suedisë.

Për trajnerin Reja nuk ka pasur asnjë shqetësim, pasi grupi është i plotë, ndërsa futbollistët besojnë se mungesa e tifozëve hungarez për shkak të dënimit nga UEFA do jetë një avantazh për ta.

Në konferencën për mediat, Sokol Cikalleshi, sulmuesi shqiptar u shpreh se kuqezinjtë duhet të vazhdojnë të tregojnë se janë grup si në ndeshjet e fundit.

Ai shtoi se prezenca e tifozëve në “Air Albania” do t’i ndihmonte shumë në ndeshjen ndaj Polonisë, e cila luhet ne 12 tetor. Ndërkohë, kapiteni Elseid Hysaj është i bindur se Shqipëria i ka të gjitha mundësitë për të marrë tri pikët.

Shkodrani i Lazio-s, deklaroi se kuqezinjtë do të luajnë vetëm për fitore.

Ndërkohë edhe kombëtarja e Kosovës është nisur sot në mëngjes për në Stokholm, teksa të shtunën do të luajë ndeshjen e radhës kualifikuese për Botërorin “Katar 2022” kundër Suedisë.

Dardanët në orën 18:00 do ta mbajnë stërvitjen e fundit para ndeshjes në stadiumin “Friends Arena” në Solna.