Sot rinis në Kosovë vaksinimi i punonjësve shëndetësorë
Pas arritjes së 4 mijë e 680 dozave të vaksinës Pfizer/Biontech, sot do të vazhdojë vaksinimi i punonjësve shëndetësorë në të gjithë Kosovën.
Vaksinimi do të bëhet në sallën “1 Tetori” në Prishtinë, duke filluar nga ora 10:00.
Ditën e djeshme, ministria e Shëndetësisë pranoi pjesën e parë nga gjithsej 95.000 doza të vaksinave, të cilat Bashkimi Evropian i ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19.
Me rekomandim të Komitetit për vaksinim kundër COVID-19, këto doza të vaksinës Pfizer/Biontech do të përdoren për vaksinimin e punonjësve shëndetësor, të cilët nuk kanë mundur të vaksinohen në fazën e parë të vaksinimit për arsye shëndetësore.
Ndërkohë, situata epidemiologjike po përmirësohet në Kosovë, pasi gjatë ditëve të fundit është vënë re një ulje në numrin e rasteve pozitive.
Një ditë më parë, në këtë shtet u raportuan 75 raste të reja me COVID-19, ndërsa katër persona kanë humbur jetën nga ky virus. Sakaq është ulur edhe numri i testimeve në rang kombëtar.
Lexoni gjithashtu:
75 raste të reja dhe 4 të vdekur nga COVID-19 në Kosovë
Arrijnë në Kosovë rreth 5 mijë doza të vaksinave BionTech/Pfizer
Costa takohet edhe me Osmanin, në fokus hapat e Kosovës drejt integrimit evropian
Kurti takim me Costan: Kosova është rreshtuar plotësisht me politikën e jashtme të BE-së
Haxhiu gjatë takimit me Costan: Rruga drejt BE-së, interes strategjik i Kosovës
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta