Sot seanca vjetore e parlamentit kinez, pritet zgjedhja e kryeministrit të ri 

Kina hap sot seancën e saj vjetore parlamentare dhe Kongresi Popullor Kombëtar (NPC) është gati të zbatojë ndryshimet më të mëdha në qeveri në një dekadë.

Pritet që gjatë seancës të tërhiqet kryeministri Li Keqiang dhe pasardhësi i tij të zgjidhet Li Qiang, si dhe të shpallet buxheti, raporton Reuters.

Kryeministri Li Keqiang u njoftua se do të hapte seancën duke paraqitur një raport të punës së qeverisë që pritet të përfshijë një objektiv të rritjes ekonomike deri në 6 për qind, thanë burimet e përfshira në diskutimet e politikave, shtoi Reuters.

Agjencia mediatike tha se Li dhe një numër zyrtarësh politikë që janë të prirur ndaj reformave në ekonomi pritet të tërhiqen gjatë seancës, duke i hapur rrugë politikanëve besnikë të presidentit Xi Jinping, i cili forcoi më tej pushtetin e tij kur siguroi një mandat të tretë si sekretar i përgjithshëm i Partisë Komuniste Kineze në tetor të vitit të kaluar..

LEXONI GJITHASHTU:

• Ana e errët e Kinës | Dështojnë shitjet, metropolet kthehen në qytete-fantazmë
• Aksident i rëndë në Tiranë, makina përplas për vdekje 40-vjeçaren