Specializantët në protestë: Jemi familjarë, të anulohet vendimi për ndërprerjen e kontratave

Mjekët specializantë kanë protestuar këtë të hënë pranë Fakultetit të Mjekësisë kundër vendimit të Ministrisë së Shëndetësisë për ndërprerjen e kontratave.

Sipas tyre, nga ky vendim rreth 800 mjekë mund të mbesin të papunë, dhe kryesisht ata specializantë, të cilët nuk kanë kontratë me Ministrinë e Shëndetësisë dhe që nuk paguhen gjatë kohës së specializimit.

Sipas avokatit, Adriatik Lapaj i cili ka dalë në mbështetje të specializantëve, Ministria e Shëndetësisë është në shkelje të ligjit, pasi me këta individë duhet të negociohej para vendimit. Prandaj edhe specializantët kërkojnë takim me përfaqësues të Ministrisë së Shëndetësisë.

Më herët gjatë një njoftimi zyrtar, Operatori i Shërbimeve të Kujdesit shëndetësor tha se specializantët që janë në marrëdhënie pune të ndërpresin kontratën e punës dhe  të lidhin kontratë të re me Ministrinë e Shëndetësisë.

Vendim për ndërprerjen e kontratave përfshin specializantët në qarqet Tiranë, Elbasan, Shkodër dhe Vlorë.

LEXONI GJITHASHTU:

• Mjekët dalin të papunë, ndërpriten kontratat për 1000 punonjës, shkak specializimet
• Largimi i mjekëve, ‘Together for Live’: Të paqarta strategjitë për rritjen e financimit