Spitali i Firences do të paguajë 1.1 mln euro familjes së Davide Astorit

Pas vdekjes tragjike të ish-kapitenit të Fiorentinës, Davide Astori, në mars 2018, çështja e tij ka marrë një zhvillim të ri ligjor. Gjykata e Firences ka urdhëruar spitalin Careggi të paguajë afërsisht 1.1 milion euro kompensim për partneren, vajzën dhe familjen e futbollistit, vendim i mbajtur më pas në fuqi nga Gjykata Supreme e Kasacionit.

Në qendër të procedurave ishte mjeku i Astorit, Professor Giorgio Galanti, i cili u dënua me një vit burgim me kusht për vrasje të paqëllimshme, pasi nuk interpretoi saktë disa anomalitë në testet diagnostikuese që do të kishin kërkuar ekzaminime të mëtejshme.

Astori u gjet i vdekur më 4 mars 2018 në hotelin e Udines, pak orë para ndeshjes së Fiorentinës kundër Udineses, si pasojë e një sulmi kardiak nga kardiomiopatia aritmogjene. Pas lajmit, ndeshjet e Serisë A dhe disa të Serisë B dhe C u shtynë, ndërsa Fiorentina dhe Cagliari tërhoqën fanellën me numrin 13 në nder të tij.