Teuta prezanton futbollistin Esat Mala, vjen pas aventurës te Vllaznia

Esat Mala është zyrtarisht lojtari më i ri i Teuta.  27-vjeçari u largua nga Vllaznia pas katër sezonesh për të provuar një aventurë të re në Superiore me djemtë e detit.

 “Mirë se vjen në Durrës, Esat Mala! 27-vjeçari i bashkohet Teutës pas një eksperience të gjatë në Abissnet Superiore dhe tashmë do të veshë fanellën blu për të dhënë kontributin e tij në arritjen e objektivave të skuadrës”, thuhet në njoftimin e Teutës.

Mala është afrimi i tretë në merkaton e verës nga Teuta. Më parë janë prezantuar Fangaj dhe Umejiego, ndërsa bregdetarët janë në diskutime edhe me Kallakun, Bregun dhe Lajthian.