Statuja prej kartoni e mbretëreshës në Kukës

Këtë të hënë në Londër i jepet lamtumira e fundit Mbretëreshës Elizabeth II, ndërsa në qendër të qytetit verior të Kukësit është vendosur një statujë kushtuar monarkes, e realizuar me karton.

Busti është vendosur para Pallatit të Kulturës së këtij qyteti, ndërsa nuk dihet se kush është autori i kësaj vepre artistike.

Më herët në një për intervistë Euronews Albania edhe kryetari i Bashkisë së Hasit, Liman Morina ka shprehur dëshirën që të ndërtojnë një bust kushtuar monarkes, statujë e cila do të ndërtohet nga emigrantët shqiptarë në Britani.

Londra dhe Britania e Madhe janë një nga vendet e preferuara për të rinjtë e Kukësit e jo vetëm që duan të ndërtojnë jetën larg Shqipërisë.

LEXONI GJITHASHTU:

• Arkivoli i Elisabeth II mbërrin në Londër, më 19 shtator funerali shtetëror