Stuhia tropikale “Meari” po zhvendoset përgjatë ishullit kryesor të Japonisë, Honshu, pasi goditi prefekturën e Shizuokës.
Stuhia goditi gjithashtu edhe rajonin e Kantos gjatë të shtunës, ndërsa e gjithë fundjava është shoqëruar me reshje të dendura shiu.
Autoritetet kanë nxjerrë një urdhër për evakuimin e më shumë se 72 mijë banorëve në disa pjesë të Shizuokës, për shkak të paralajmërimeve për përmbytje dhe rrëshqitje të dheut.
Zona e Tokios është përfshirë nga reshje të vazhdueshme shiu që prej mëngjesit. Autoritetet lëshuan paralajmërime për dallgë më të larta se zakonisht në zonat bregdetare të kryeqytetit japonez dhe rajonet përreth.
Stuhia Meari ka sjellë erë me shpejtësi deri në 45 metra për orë. Stuhia tashmë pritet të zhvendoset në veri të Japonisë dhe më pas në Lindje.
LEXONI GJITHASHTU: