Sulm i ri amerikan ndaj një anijeje të dyshuar me drogë, humb jetën një person! Shpëtojnë dy të tjerë (VIDEO)

Ushtria amerikane ka njoftuar se ka kryer një sulm ndaj një anijeje në Paqësorin Lindor që dyshohej se mbante drogë. Sipas deklaratës, një person u vra në operacion, ndërsa dy të tjerë në bord mbijetuan.

Postimi u shoqërua nga një video 18-sekondëshe, në të cilën shihet një varkë duke u sulmuar dhe më pas duke shpërthyer në det.

Sipas njoftimit zyrtar të publikuar në platformën X, informacione tregonin se anija po transportonte drogë të paligjshme dhe po lëvizte në një nga rrugët më të njohura të trafikut ndërkombëtar të drogës në rajonin e Paqësorit Lindor.

“Gjatë operacionit, një burrë i përshkruar si ‘narko-terrorist’ u vra, ndërsa dy persona të tjerë i mbijetuan sulmit”, thuhet në postim.