Sulmet në rafinerinë e naftës, Arabia Saudite: Shkatërruam 2 dronë, zjarri shpërtheu nga mbetjet

Arabia Saudite ka reaguar lidhur me raportimet për sulme ndaj objekteve të naftës në Ras Tanura, një nga qendrat më të mëdha të naftës në botë. Zëdhënësi i ministrisë së mbrojtjes saudite, Turki Al-Malki theksoi se dy dronë që synonin rafinerinë Ras Tanura u kapën dhe u shkatërruan.

Ministria Saudite e Mbrojtjes tha se zjarri shpërtheu në impiantin e naftës për shkak të mbeturinave që binin nga dy dronë që ishin shkatërruar.

Rafineria është një nga më të mëdhatë në Arabinë Saudite dhe ka një kapacitet prej 550,000 fuçish në ditë. Pamjet e postuara në rrjetet sociale tregonin re të mëdha tymi që ngrihen nga objekti në Ras Tanura në Arabinë Saudite lindore. Rafineria u mbyll menjëherë pas sulmit.