“Sulmi ndaj Tajvanit kërcënim”, Kina dhe Japonia në përplasje të fortë diplomatike

Japonia dhe Kina u përfshinë në një përplasje diplomatike të hënën, pasi kryeministrja Sanae Takaichi tha se një sulm kinez ndaj Tajvanit mund të përbënte “një situatë kërcënuese për mbijetesën” për Japoninë, që kërkon përdorimin e forcës.

Takaichi, e cila u zgjodh si kryeministrja e parë femër e vendit muajin e kaluar, tha të premten se përdorimi i forcës nga kinezët rreth Tajvanit do të kualifikohej si “një kërcënim ekzistencial”.

Përplasja  e fundit diplomatike filloi të premten kur Takaichi u pyet në parlament rreth skenarëve që do të përbënin një kërcënim për Japoninë.

Ultrakonservatorja Takaichi përmendi shembujt e një bllokade detare kineze ndaj Tajvanit dhe çdo veprimi ushtarak për të parandaluar mbërritjen e forcave amerikane.

“Nëse përfshin përdorimin e anijeve luftarake dhe veprimeve ushtarake, kjo mund të shndërrohet në një situatë kërcënuese për mbijetesën”, në të cilën Japonia mund të përdorë forcën për mbrojtje, tha ajo.

Komentet e saj shkaktuan një qortim të ashpër nga Pekini gjatë fundjavës.

“Nuk kemi zgjidhje tjetër veçse t’ia presim atë qafën e ndyrë që na është sulmuar pa hezitim. A jeni gati?”, tha Konsulli i Përgjithshëm Kinez Xue Jian në një mesazh të postuar në X, i cili u fshi më vonë.

Xue kritikoi gjithashtu komentet e mëparshme të bëra nga ish-kryeministri Shinzo Abe dhe ligjvënës të tjerë japonezë se një “emergjencë në Tajvan është emergjencë në Japoni” si “ndërhyrje flagrante në punët e brendshme të Kinës dhe shkelje të sovranitetit” që kërkojnë një tërheqje dhe kërkim falje.

Të hënën, Sekretari i Përgjithshëm i Kabinetit të Japonisë, Minoru Kihara, tha se Tokio kishte protestuar ndaj Pekinit për mesazhin e Xue-s.

“Ndërsa qëllimi i postimit nuk është plotësisht i qartë, duhet të themi se komenti… ishte jashtëzakonisht i papërshtatshëm”, tha Kihara.

LEXONI GJITHASHTU:

• Makina përfundon në lokal pasi po ndiqej nga policia, 4 të vdekur dhe 11 të plagosur
• Aksident në Shkodër, makina përplas motorin, plagoset 19-vjeçari