Sulmi rus godet martenitetin në Ukrainë, vdes foshnja e sapolindur

Një nënë u shpëtua të mërkurën nga rrënojat e një marteniteti në Ukrainën jugore pasi një sulm rus shkatërroi objektin, duke vrarë foshnjën e saj të porsalindur, thanë zyrtarët ukrainas.

Shërbimet Shtetërore të Emergjencave të Ukrainës thanë se gruaja sapo kishte lindur fëmijën në maternitetin në qytetin e Vilnyansk, në rajonin e Zaporizhzhia, në momentin që spitali u sulmua nga bombardimet ruse.

Sipas informacioneve paraprake, askush tjetër nuk është nën rrënoja, shtuan ata, raporton CNN. 

Më herët, kreu i administratës ushtarake rajonale të Zaporizhzhia tha se forcat ruse “kishin lëshuar raketa të mëdha në një repart të vogël materniteti në spitalin Vilnyansk”.

Vilnyansk është një qytet i kontrolluar nga Ukraina. Pjesë të rajonit më të gjerë të Zaporizhzhisë janë të pushtuara nga Rusia, e cila e pretendon atë si territor rus në kundërshtim me të drejtën ndërkombëtare.

LEXONI GJITHASHTU: 

• Dy të vrarë nga bombardimet ruse në rajonin të Kharkiv
• Tërmeti me magnitudë 6 ballë godet Turqinë, 46 të plagosur