Sulmi terrorist në Moskë, reagon zëdhënësi i Putin

Rreth 40 persona janë vrarë dhe më shumë se 100 të tjerë janë plagosur në sulmin në sallën e koncerteve në Moskë, sipas Shërbimit Federal të Sigurisë së Rusisë, FSB.

Presidenti rus Vladimir Putin ka dhënë të gjitha udhëzimet e nevojshme në lidhje me atë që ndodhi në sallën e qytetit Crocus në Moskë, tha zëdhënësi i presidentit rus, Dmitry Peskov.

“Në minutat e para të ngjarjeve në Crocus City Hall, presidenti është informuar për fillimin e të shtënave. Presidenti vazhdimisht merr informacion për atë që po ndodh dhe masat e marra nga të gjitha shërbimet kompetente. Presidenti ka dhënë të gjitha udhëzimet e nevojshme”, tha Peskov, transmeton RIA Novosti.

Shërbimi Federal i Sigurisë Ruse (FSB) njoftoi mbrëmjen e sotme se ka pasur të shtëna dhe një zjarr në sallën e qytetit Crocus në rajonin Krasnogorsk, në kufirin veriperëndimor të Moskës, ku ishte menduar të mbahej një koncert i grupit Piknik.

LEXONI GJITHASHTU:

• VIDEO| Momenti kur persona të armatosur hapin zjarr në sallën e koncerteve në Moskë
• Sulm i armatosur një sallë koncertesh në Moskë, 40 të vrarë, qindra të plagosur