Sulmohet kompleksi policor në Pakstian, plagosen 23 efektivë

Të paktën 23 ushtarë janë vrarë dhe dhjetëra janë plagosur në Pakistan pasi militantët sulmuan një kompleks policie. Sulmi ndodhi në orët e hershme kur një automjet që përmbante eksploziv u përplas në ndërtesën në provincën Khyber Pakhtunkhwa, afër kufirit me Afganistanin.

Një grup militant i lidhur me talebanët pakistanezë ka marrë përgjegjësinë për sulmin e së martës. Kompleksi po përdorej si një kamp bazë për ushtrinë pakistaneze.

Përpara përplasjes së automjetit, disa militantë u përpoqën të hynin në kompleksin në rrethin Dera Ismail Khan, por dështuan, tha ushtria në një deklaratë.

Grupi më pas përdori një kamion të ngarkuar me eksploziv për të përplasur murin kufitar të kompleksit, i cili u pasua nga një sulm vetëvrasës me bombë që shkaktoi shembjen e ndërtesës, shtoi deklarata.

Ka shqetësime se municioni i ruajtur brenda kompleksit në rrethin Dera Ismail Khan mund të ketë shpërthyer gjithashtu. Një zyrtar tha se shumë njerëz u vranë ndërsa ishin duke fjetur.

Gjashtë sulmues u vranë, tha ushtria. Ai shtoi se gjithsej 27 militantë u vranë pas operacioneve ushtarake në zonë gjatë natës. Kryeministri i përkohshëm i Pakistanit Anwaar ul-Haq Kakar dhe ministri i Brendshëm në detyrë Sarfraz Bugti e dënuan sulmin.

LEXONI GJITHASHTU:

• SHBA, armatime Izraelit/ Shteti hebre mirëpret veton amerikane në KS
• Shkëmbime zjarri në kufirin mes Libanit dhe Izraelit