Barcelona siguroi të mërkurën finalen e Super-Kupës së Spanjës duke mundur Real Sociedad-in me penallti pasi ndeshja në lojë të rregullt u mbyll 1-1.
Për skuadrën baske talenti Oyarzabal zhbëri avantazhin e siguruar më parë nga Frenkie de Jong. Rezultati nuk ndryshoi duke bërë që ndeshja të shkojë në kohë shtesë. Sidoqoftë pas 120 minutash nuk pati sërish ndryshim duke e dërguar fatin e kualifikimit nga pika e bardhë e penalltive.
Riqui Puig shënoi penalltinë vendimtare për katalanasit pasi Antoine Griezmann dhe Frenkie de Jong i shpërdoruan gjuajtjet e tyre. Për vendasit nuk bëri punë realizimi i Adnan Januzajt dhe Merinos pasi tre lojtarë të tjerë, përfshirë dhe Oyarzabal dështuan të shënonin.
Finalja e Super-Kupës së Spanjës pritet të luhet të dielën. Barcelona do të presë fituesin mes Real Madrid-Athletic Bilbao. Ky është sezoni i katërt që Super-Kupa diskutohet mes katër skuadrave.
Lexoni gjithashtu:
Bayern Munich eliminohet nga kupa nga një skuadër e kategorisë së dytë
