Zv.kryeministrja Belinda Balluku tha se Shqipëria po përballet me një sulm kibernetik të paprecedentë dhe të sponsorizuar.
Balluku sqaroi se sulmi kishte për qëllim fshirjen e të gjitha të dhënave në sistem. Ajo vlerësoi deputetin demokrat Ervin Salinji i cili sipas saj ofroi bashkëpunimin përballë situatës me të cilën përballet vendi.
“Ka qenë sulm i sponsorizuar. Po përballemi me diçka të paprecedentë. Salianji të falendroj për ofertën e bashkëpunimit. Ne këtë e vlerësojmë si qeveri dhe maxhorancë. Qëllimi i sulmit kiberentik ishte fshirja e të dhënave”, tha Balluku në Kuvend.
Balluku u shpreh se ishte e pamundur për Shqipërinë që të përballonte sulmin e mirëorganizuar në katër burime të ndryshme.
“Nuk kemi sisteme të avancuara, nuk kemi qenë të përgatitur për sulm të këtij niveli. Mos kujtoni që nuk kemi qenë nën sulme të ndryshme, hakeruesve amator dhe profesionit dhe i kemi përballur me sukses. Kjo ishte e pamundur për ne që të përballonim sulmin e mirëorganizuar në katër burime të ndryshme”, tha Balluku.
LEXONI GJITHASHTU:
- ‘Pse e prish kot, gjithë ky burrë zotni’, Balluku replika me Spahon në Kuvend
- Sulmi kibernetik zbulon bisedimet sekrete mes Shqipërisë e Britanisë për emigrantët
