Takimi në Bruksel, zv.kryeministri i Kosovës: Nuk u përmend asociacioni

“Me asnjë fjali të vetme nuk është përmendur asociacioni,” – kështu deklaron zv.kryeministri i Kosovës, Besnik Bislimi një javë pas takimit në Bruksel mes përfaqësuesit serbë.

“E vetmja çështje ku qëndrimi ynë dhe i BE-së nuk ka qenë i njëjtë kishte të bënte me tabelat me shkurtimin KS (identifikues për shtetin e Kosovës),” – shkruan zv.kryeministri në një postim në Facebook.

Ai thekson se gjatë takimeve është shprehur se “vetëm atëherë kur në Kosovë të mos funksionojë asnjë strukturë paralele serbe; kur nuk do ketë financim ilegal nga Serbia dhe kur askush në Evropë të mos e kontestojë sovranitetin dhe integritetin territorial të Kosovës, mund të ulemi dhe diskutojmë seriozisht për modalitetet më të përshtatshme për mbrojtjen dhe avancimin e të drejtave të minoriteteve”.

Ai deklaron se janë identifikuar 11 marrëveshje, për të cilat Serbia nuk i ka përmbushur detyrimet e saj.

Ndërkaq, pala serbe ka ngritur 5 çështje, si tema për të cilat pretendon se Kosova nuk i ka përmbushur detyrimet e saj, me fokus kryesor tek asociacioni i komunave me shumicë serbe.

LEXONI GJITHASHTU:

• Kurti fton vendet e rajonit për të nxjerrë para drejtësisë përgjegjësit e gjenocidit të Srebrenicës
• Ish-kreu i PDK-së Kadri Veseli mbërrin në Kosovë pas vdekjes së babait
• Dialogu me Serbinë, Albin Kurti paralajmëron takim me presidentin e Francës