Takimi Putin-Zelenski mund të mbahet në Turqi

Presidenti i Rusisë, Vladimir Putin dhe ai i Ukrainës, Volodimir Zelensku mund të takohen në Turqi, raporton agjencia e lajmeve ukrainase ‘Interfax’.

Presidenti turk, Tayyip Erdogan i ka telefonuar Putinit dhe Zelenskit të premten dhe pritet të konfirmojë se janë gati për një takim së shpejti, thotë negociatori David Arakhamia.

Mundësia e një takimi Putin-Zelenski është diskutuar që kur Rusia ndërhyri ushtarakisht në Ukrainë.

Vetë presidenti i Ukrainës i ka bërë disa herë thirrje kreut të Kremlinit për të negociuar ballë për ballë.

Ukraina ka premtuar se do të refuzojë të bëhet pjesë e NATO-s, por nga ana tjetër Rusia kundërshton dhe anëtarësimin në BE.

Zelenski gjithashtu është treguar i hapur për të diskutuar dhe mbi statusin e neutralitetit që Ukraina duhet të mbajë si dhe për pozitën e rajonit të Donbasit.