English

Taksa e alkoolit në Turqi, qytetarët i distilojnë vetë pijet e tyre

KOMENTE

SHPERNDAJE
ARTIKULLIN

Text sizeAa Aa

Taksa e vendosur nga qeveria e presidentit Erdogan ndaj pijeve alkoolike ka bërë që në qytete të ndryshme të Turqisë, baret të boshatisen.

Taksimi i ka detyruar pijedashësit që t’i distilojnë vetë pijet e tyre.

Tryezat janë thuajse të boshatisura në lagjen më të gjallë të Stambollit, pasi taksat mbi alkoolin u rritën me 50 për qind.

- Advertisement -

Kjo është një nga goditjet më të mëdha që qeveria turke i dha konsumit të alkoolit në vend.

Presidenti Erdogan, një mysliman i përkushtuar, ka thënë se njerëzit më mirë të pinë bozë se sa raki.

Por kriza ekonomike në vend dhe rënia e lirës bëjnë që vendi të ketë nevojë për të ardhura.

“Njerëzit që vinin 3 ose 4 ditë në javë, tani vijnë vetëm një ditë. Një person që pinte 5 ose 6 birra, tani pi 2 ose 3. Ndaj është e natyrshme që vendosja e taksës të na ketë prekur”, tha Ali Iktu, pronar bari, në Stamboll.

Por konsumatorët nuk do të ndalen, thotë Serdar Bayar, pronar i një dyqani pijesh.

Pijedashësit po bëhen kimistë dhe po distilojnë vetë pijet e tyre. Në YouTube ka pa fund video që tregojnë se si të përgatisësh pije në kushtet e shtëpisë.

“Ata do të blejnë alkool kontrabandë dhe kjo do të shkaktojë pasoja të padëshirueshme, që nuk duam t’i shohim”, tha Serdar Bayar, pronar dyqani pijesh në Stamboll.

Vetëm dhjetorin e kaluar, 84 persona humbën jetën nga alkooli i paligjshëm, përpara se çmimet të rriteshin. Ndërsa këtë javë policia e Stambollit bastisi një laborator pijesh dhe arrestoi disa të dyshuar.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×