‘Të dyshuarit’ e policisë, në listën iraniane politikanë, artistë e ambientalistë

Dosjen prej 1.7 gigabajt, që hakerat iranianë publikuan të hënën, e kanë titulluar “Lista e të dyshuarve”.

Por, në morinë e emrave që ndodhen në dosje ka një sërë figurash publike, që nga politikanë, këngëtarë, aktivistë e deri tek ambientalistë.

Në listë gjendet Elisa Spiropali, Voltana Ademi, ish-deputeti i PD, Korab Lita dhe ish-kryebashkiaku i Vlorës, Shpëtim Gjika.

Janë gjithashtu edhe këngëtarët Rigels Rajku, njohur me emrin Noizy dhe Arkimed Lushaj, njohur me emrin Stresi.

Listës nuk i mungon as ambientalisti Sazan Guri dhe aktivisti Adriatik Lapaj.

Nga emrat e mësipërm, Elisa Spiropali e ka cilësuar listën si montazh, ndërkohë që Policia e Shtetit ka deklaruar se nuk bëhet fjalë për ndërhyrje në sistemin MEMEX.

LEXONI GJITHASHTU:

• Gazetari: Hakerat kryen sulmet kibernetike nga territori shqiptar
• ‘Hakerat, 1 vit brenda sistemeve’, eksperti Softa: Jemi në luftë të gjatë me Iranin