‘Të lirohen kontrollorët’, Unioni Europian: Reagimi i policisë të kujton një të shkuar staliniste

Unioni Europian i Kontrollorëve ka kërkuar lirimin e menjëhershëm të kontrollorëve që u arrestuan nga policia.

Në një komunikatë për shtyp, unioni shpreh shqetësim për trajtimin e kolegëve shqiptarë. “Albcontrol ka ulur në mënyrë të njëanshme pagat e punonjësve, pa u konsultuar ose pa biseduar me shoqatat që përfaqësojnë punonjësit. Ata kanë refuzuar të negociojnë një marrëveshje për zgjidhjen e krizës.

Si mund Shqipëria të shohë një të ardhme të re dhe të ndritur si vend anëtar i BE-së, kur mënyra si reagon ndaj punonjësve që kërkojnë të drejtat e tyre themelore, të kujton një të shkuar të errët staliniste”, shkruhet në komunikatën e Unionit Europian të Kontrollorëve.