“Të mjerët” në pikturë, piktori Karanxha: E pashmangshme që mos trajtoja varfërinë

“Të mjerët” është ekspozita më e fundit e artistit nga Korça, Roland Karanxha për të cilën ka punuar në këto dy vitet e fundit.

Situata e pazakonteë jo vetëm që nuk e ka ndaluar të punojë, por me penelin e tij kësaj radhe trajton një fenomen, atë të varfërisë, që për artistin po e vuan kushdo në këto kohë të vështira, e që numri i atyre që kanë vështëris o rritet gjithmonë e më shumë.

Mbi 80 tablo prezantohen në Muzeun Historik Kombëtar, ku bashkë me shumë personazhe shkrihen edhe peizazhe si për ta qetësuar këtë cikël.

Për artistin, titulli “Të mjerët” i shkon për shtat edhe situatës së kulturës, apo artistëve që e kanë të vështirë të mbijetojnë me pasionin dhe dashurinë e tyre për art.