Të ndjesh oqeanin në qytet, krijohet dallga e animuar

Për shkak të pandemisë deri më sot ka qenë thuajse e pamundur të lëvizje dhe të shijoje detin gjatë pranverës.

Por në Korenë e Jugut në Seul  ju mund të ndjeni afër dallgët e oqeanit. Pa frikë, nuk bëhet fjalë për ndonjë përmbytje por për një animacion unik të valës e krijuar përmes teknologjisë më të lartë .

Projekti mediatik i quajtur ‘Public Media Art-‘ shfaq dallgën në një ekran gjigand e të duket sikur ajo vjen drejt teje. Ekrani ku është vendosur ky animacion  është 1626 metra katror gati sa katër fusha basketbolli.

“Duket kaq e vërtetë sikur uji do të bjerë mbi ty, është shumë e bukur” shprehet një nga kalimtarët.

 

 

 

 

 

View this post on Instagram

 

 

 

 

 

 

 

 

 

Një projekt mediatik ka krijuar një animacion realist të valëve të oqeanit duke përdorur rezolucionin 8K dhe një ekran 1.626 metra katrorë. Projekti synon të sjellë ndjesinë e oqeanit në mes të kryeqytetit të Koresë së Jugut për ata që nuk mund të udhëtojnë dot për shkak të kufizimeve të coronavirusit.

A post shared by Euronews Albania (@euronews_albania) on May 26, 2020 at 7:00am PDT

Kompania  e projektimit e Koresë së Jugut, d’strict, thotë se projekti mediatik është iluzion më i madh anamorfik i cili shfrytëzon këndet dhe prespektivën për të të “gënjyer” mendjen.
“Unë mendoj se është shumë domethënëse që kemi sjellë një pjesë të natyrës në mes të qytetit, veçanërisht gjatë kësaj kohe kur është e vështirë të lëvizësh ose të udhëtosh,” u shpreh drejtuesi i ekipit.