Të paktën 150 të vdekur nga tërmeti 7,7 ballë në Mianmar, mbi 700 të plagosur

Një tërmet i fuqishëm tronditi Mianmarin dhe Tajlandën fqinje të premten, duke shkatërruar ndërtesa, një urë dhe një digë.

Të paktën 144 njerëz u vranë në Mianmar, ku fotot dhe videot nga dy qytete të goditura fort treguan dëme të mëdha. Të paktën tetë persona humbën jetën në kryeqytetin e Tajlandës, ku një ndërtesë e lartë në ndërtim u shemb, shkruan AP.

Tërmeti me magnitudë 7.7, me epiqendër afër Mandalay, qyteti i dytë më i madh i Mianmarit, goditi në mesditë dhe u pasua nga një pasgoditje e fortë me magnitudë 6.4 ballë.

Numri i saktë i viktimave dhe të plagosurve nuk ishte menjëherë i qartë – veçanërisht në Mianmar, një nga vendet më të varfra në botë, i përfshirë në një luftë civile dhe ku informacioni është i kontrolluar fort.

Kreu i qeverisë ushtarake të Mianmarit tha në fjalimin televiziv të premten në mbrëmje se të paktën 144 persona u vranë dhe 730 të tjerë u plagosën.

“Numri i të vdekurve dhe të plagosurve pritet të rritet”, tha gjenerali i lartë Min Aung Hlaing.

LEXONI GJITHASHTU:

• Tërmeti i fuqishëm në Mianmar, ekipet në kërkim të 81 personave nën rrënoja
• Gazetarja nga Bangkoku rrëfen për Euronews Albania tmerrin e tërmetit 7.7 ballë