‘Të rinjtë i besojnë më pak partitë’, publikohen gjetjet e sondazhit të IDM për angazhimin politik

Instituti për Demokraci dhe Ndërmjetësim publikoi gjetjet e sondazhit për angazhimin politik të qytetarëve gjatë vitit 2020.

Në sondazh konstatohet një përkeqësim i besueshmërisë së qytetarëve tek politika.

Gjithashtu sondazhi ka konstatuar se shqiptarët ndihen më të zhgënjyer nga qeveria, Parlamenti, Presidenti por edhe opozitat si ajo brenda në Parlament edhe jashtë, krahasuar me vitin 2016.

Sondazhi konstaton se qytetarët duan të dinë se kush i financon fushatat dhe si shpenzohen paratë dhe se nuk kanë besim në menaxhimin që bëjnë partitë, gjatë fushatave elektorale. Mes të tjerash vihet re një ulje e ndjeshme e të rinjve në politikën aktive, krahasuar me 4 vite më parë dhe 2/3 e shqiptarëve duan të dinë si shpenzohen paratë e tyre.

Pjesëmarrësit në këtë sondazh të IDM Albania janë shprehur për votimin direkt të kandidatëve dhe kundër listave të mbyllura dhe se deputetët janë më tepër të interesuar për partitë politike nga të cilat vijnë se sa qytetarët.

Ndërkohë, për sa i përket situatës së pandemisë, sondazhi konstaton një përmirësim të lehtë të perceptimit të qytetarëve për punën e institucioneve.