Të shtëna me armë në Tiranë, dy persona të plagosur

Një konflikt i armatosur ka ndodhur mbrëmjen e së mërkurës në Tiranë në zonën e ish-Parkut të Autobusëve.

Policia thotë se nga të shtënat kanë mbetur dy persona të plagosur në rrethana ende të paqarta.

Të shtënat kanë ndodhur rreth orës 17:00, në kryqëzimin e rrugës “Ndre Mjeda” dhe “Frosina Plaku”, në rrethana ende të paqarta.

Të plagosur kanë mbetur Aleksandër Nikolli, 27 vjeç dhe Xhulio Vela, 25 vjeç, të cilët ndodhen në spital.

Konflikti dyshohet se ka ndodhur mes grupeve të rinjsh, duke degraduar deri në përdorimin e armës.

Sipas verifikimeve, të plagosurit janë persona të njohur për policinë, me precedent në fushën e narkotikëve, apo kundërshtim të punonjësit të policisë.

Xhulio Velaj, vetëm pak muaj më parë është kapur me lëndë narkotike në automjet në kryeqytet dhe sipas burimeve, pas arrestimit është lëne i lirë nga gjykata me masën detyrim paraqitje.

Policia ka arritur të identifikojë autorët e plagosjes dhe sipas burimeve grupet dyshohet të jenë përplasur pas një konflikti të çastit. Situata është përshkallëzuar deri në përdorimin e armës duke sjelle dhe plagosjen e dy të rinjve.