Të shtëna me armë në Tiranë, një i plagosur

Disa te shtëna me arme zjarri janë dëgjuar para disa minutash në zonën e “Komunës së Parisit” në Tiranë.

Dyshohet se një person ka qëlluar me pistoletë disa herë dhe nga plumbat një person tjetër ka mbetur i plagosur.

Ngjarja ka ndodhur rreth orës 22:35, tek lulishtja në rreth rrotullimin e Komunës së Parisit, në rrethana ende të paqarta.

I plagosuri Redi Balla është gjetur brenda mjetit të tij të parkuar. 22-vjeçari mësohet se ka marrë plumba në këmbë dhe ndodhet jashtë rrezikut për jetën.

Grupi hetimor ndodhet në vendngjarje dhe vijon punën për sqarimin e rrethanave të ngjarjes dhe dokumentin e plotë të saj.