Të shtëna me armë në Universitetin e Xhorxhias: Një i vrarë, pesë të plagosur

Një i ri u vra dhe pesë persona u plagosën në një të shtëna në Universitetin Shtetëror Albany në Gjeorgji, tha sot Presidenti i Përkohshëm i Universitetit Lawrence M. Drake.

Ai deklaroi se të shtënat ndodhën të shtunën mbrëma në Kampusin Lindor të Universitetit të Albany, raportoi AP, duke cituar një raport nga televizioni lokal Vega. Drake tha se Byroja e Hetimit të Gjeorgjisë po udhëheq hetimin.

“Si gjithmonë, siguria e studentëve, pedagogëve dhe stafit në Universitetin Shtetëror Albany është prioriteti numër një i institucionit,” tha Drake.

Një 19-vjeçar nga Atlanta u vra në të shtënat dhe vdiq nga plagët e tij në Spitalin Memorial Phoebe Putney në Albany.

Universiteti Shtetëror i Albany regjistron rreth 6,000 studentë

• “Hapi i parë drejt Luftës Botërore”,Zelensky: Ndikimi i Koresë së Veriut, shqetësues
• Shtohen rastet me kancer gjiri në Elbasan, shumica e pacienteve mbi 45 vjeçe