Të shtëna me armë zjarri në Beograd, gazetari serb jep detaje

Vojin Radovanovic, gazetar i gazetës Danas, ka folur për Euronews Albania lidhur me incidentin e ndodhur paraditen e së mërkurës para Parlamentit të Serbisë pas të shtënave me armë zjarri në një kamp tendash pro-qeveritare, të cilat më pas u përfshinë nga flakët.

Radovanovic raporton nga vendngjarja se nga informacionet e deritanishme një person është plagosur për shkak të të shtënave me armë, dhe një tjetër është vënë në pranga. Më tej gazetari thekson se ka pasur një prani të shtuar të forcave të policisë për të vijuar hetimet e mëtejshme.

“Këtë mëngjes pas orës 10:00 një zjarr ra në tendat e ngritura pranë parlamentit serb. Në këtë moment ka shumë zjarrfikës, prani e madhe e policisë dhe shumë qytetarë kanë ardhur për të parë se çfarë ka ndodhur. Gjithashtu u dëgjuan të shtëna. Deri tani, nga burime jo zyrtare dimë që një person është plagosur dhe një tjetër arrestuar. Policia nga vendngjarja njofton se ka pasur shumë tym për shkak të zjarrit. Mendoj se ky epsiod përbën një problem për Serbinë pasi ndodhi pranë godinës së parlamentit.”-tha gazetari serb.