Të shtëna me armë zjarri në Kaliforni, mes 4 viktimave edhe një fëmijë

Katër persona kanë mbetur të vdekur nga të shtënat me armë zjarri në një kompleks zyrash në Kaliforninë Jugore të mërkurën, mes të cilëve një fëmijë, përpara se policia të qëllonte dhe plagoste të dyshuarin, tha policia.

Oficerët arritën në një ndërtesë dykatëshe në Lincoln Avenue në Orange, në jug të Los Anxhelosit, rreth orës 5:30 pasdite, teksa të shtënat me armë zjarri vijonin ende, tha togerja Jennifer Amat.

Ngjarja është shënuar në katin e dytë të ndërtesës, tha Amat, teksa nuk dha detaje në lidhje me konfliktin dhe se çfarë mund të ketë shkaktuar sulmin apo pse një fëmijë ndodhej në atë ndërtesë.