Të shtëna në Itali, 3 gra të vrara me armë zjarri në një kafene në Romë

Tre gra, përfshirë një mikeshë të kryeministrit të ri të Italisë, u vranë kur një burrë hapi zjarr në një kafene në Romë, duke plagosur katër persona të tjerë.

Roberto Gualtieri, kryebashkiaku i Romës, i përshkroi të shtënat si një “episod të rëndë dhune” dhe tha se do të merrte pjesë në një takim urgjent të hënën.

Ata që ishin brenda po mblidheshin si pjesë e komitetit të banorëve të një blloku lokal, shkruan BBC.

Një i dyshuar, 57 vjeç, është në paraburgim. Ai ka një histori mosmarrëveshjesh me disa nga bordi i komitetit, thonë raportet.

Luciana Ciorba, nënkryetarja e komitetit, ishte në kafenenë në lagjen Fidene, raporton gazeta italiane La Repubblica.

Ajo tha se personi i armatosur kishte hyrë në lokal të dielën duke bërtitur “Unë do t’ju vras ​​të gjithëve”, përpara se të përdorte pistoletën e tij. Ai thuhet se ishte kapur nga banorë të tjerë përpara se të ndalohej nga policia.

Kryeministrja Giorgia Meloni deklaroi se një nga gratë e vrara ishte mikesha e saj Nicoletta Golisano. Emrat e grave të tjera të vdekura janë Elisabetta Silenzi dhe Sabina Sperandio.

Në një postim në Facebook, ku i dërgoi ngushëllimet familjes së zonjës Golisano, zonja Meloni tha se do ta kujtonte gjithmonë shoqen e saj për të qenë “e bukur dhe e lumtur”.

LEXONI GJITHASHTU:

• I dënuar me 12 vite burg, arrestohet i riu, pritet të ekstradohet drejt Italisë
• Britania, Italia dhe Japonia bashkojnë forcat për avionin e gjeneratës së gjashtë