Të shtënat në darkën e korrespondentëve të Shtëpisë së Bardhë, eventi riplanifikohet për në korrik
Darka e korrespondentëve të Shtëpisë së Bardhë do të riplanifikohet për më 24 korrik, pasi eventi i Uashingtonit u anulua papritur këtë pranverë pas një të shtëne me armë.
Presidenti Donald Trump është zotuar të marrë pjesë në një ngjarje të riplanifikuar. Duke konfirmuar pjesëmarrjen e tij dhe planin për të folur në eventin e korrikut, presidenti tha: “Nuk e di nëse do të jap apo jo të njëjtat deklarata mjaft të pakëndshme, të paktën për sa i përket njerëzve të caktuar, por së shpejti do ta zbulojmë. Sidoqoftë, do të jetë një biletë “e nxehtë”!”
Nuk është ende e qartë nëse darka do të mbahet në hotelin Washington Hilton, ku u zhvillua fillimisht, duke marrë parasysh shqetësimet për sigurinë në lidhje me planimetrinë e ndërtesës. Trump pretendoi se vendi do të jetë Waldorf Astoria, të cilin Organizata e tij Trump e zotëronte më parë.
Në një email drejtuar gazetarëve të Shtëpisë së Bardhë, Weijia Jiang, president i Shoqatës organizative të Korrespondentëve të Shtëpisë së Bardhë (WHCA), tha se detajet rreth vendndodhjes, biletave dhe programit njoftohen së shpejti.
Trump, i cili mori pjesë në darkën e këtij viti për herë të parë si president, kishte kërkuar që ajo të ricaktohej brenda 30 ditësh -një afat që ka kaluar.
Muajin e kaluar, Cole Tomas Allen, i dyshuari për të shtënë, u deklarua i pafajshëm për akuzat, duke përfshirë tentativën e vrasjes së presidentit, sulmin ndaj një oficeri federal dhe veprat penale të përdorimit të armëve të zjarrit.
SHBA rifillon bllokadën detare ndaj porteve iraniane, hyn në fuqi urdhri i Trump
Zyrtari iranian: Nuk kemi asnjë detyrim për marrëveshje me SHBA-në
Numri i të vdekurve nga tërmetet në Venezuelë rritet në 4,734
- 22:21 SHBA rifillon bllokadën detare ndaj porteve iraniane, hyn në fuqi urdhri i Trump
- 22:18 Zyrtari iranian: Nuk kemi asnjë detyrim për marrëveshje me SHBA-në
- 22:17 Trajneri Deschamps, mbreti i pankinës në Botëror! Francezi thyen rekordin 48 vjeçar
- 22:10 Nurellari: Kërkimin shkencor e kemi në duar të sigurta me Ministrin e Ramiz Alisë
- 22:04 “10 mijë euro për t’u bërë mësues”, Koka: Ja sa paguhet për t’u futur në sistemin arsimor
- 22:02 Rama nga Brukseli: Thanë nuk do hapen negociatat, sot u mbyllën tre kapitujt e parë